نظام الدراسة في الجامعات الخاصة في سوريا

[3LOM 4 ALL]

الجامعات الخاصة بسوريا ونظام الدراسة فيها
أول شي نظام الدراسة يعتبر نظام ساعات مو متل جامعة دمشق نظام فصلي
والفرق أنو بنظام الساعات أنت/ي بتختار المواد يللي حابب/ة تدرسها
فممكن أني أترك بعض المواد يللي ما برغب فيها لسنوات متأخرة وبالعكس ممكن أدرس مواد من سنوات لاحقة بوقت مبكر بشرط أنو تكون المادة مفتوحة لألك ومجتاز جميع المتطلبات السابقة لهي المادة
تاني شي هو معنى الساعات وتوزيع العلمات
جميع المواد تقيم بعدد ساعات معين ومعظم المواد تكون 2/3/4 ساعات حسب أهمية المادة وزخم المعلومات يللي فيها والمادة 4 ساعات يعني المحاضرة الأسبوعية لهي المادة هي 4 ساعات
وعند وجود مادة فيها قسم عملي فيعتبر كل ساعة عملي بالمقرر هنن ساعتين دوام بالأسبوع
المادة بغض النظر عن عدد ساعاتها فهية من 100 مقسمة على الشكل الاتي : 20 أمتحان نصفي يقام في منتصف الفصل أو كما يسميه الطلاب ميدتيرم
30 علامة عملي أو كما يسميه الطلاب (Activity) وتوزع هذه العلامات حسب رغبة دكتور المادة ولكن غالبا تكون 10 مذاكرة أولى / 10 مذاكرة تانية / 5 حضور / 5 مشاركة أو تشليف على كيف الدكتور ‏‎tongue‎‏ رمز تعبيري
50 علامة على الإمتحان النهائي أو الفاينل وهو الإمتحان يللي بقدمو الطلاب مع طلاب جامعة دمشق ولكن الفرق أن طلاب جامعة دمشق يمتد إمتحانهم لأكثر من شهر بينما طلاب الجامعات الخاصة يقتصر على 10 أيام على الأكثر يعني كل يوم في مادة تقريبا وإذا كنت محظوظ بتلاقي بين مادتين يوم فراغ
ثالث شي هو المعدل :
المعدل ليس من 100 وإنما من 4
وعلمة المواد تعطى بالمكافئ الحرفي وهي على الشكل الاتي :
98--100 : A+ ويكافئ 4/4
95----97 : A ويكافئ 3.75/4
90---94 : A- ويكافئ 3.5/4

85---89 : B+ وييكافئ 3.25/4
80---84 : B ويكافئ 3/4
75---79 : B- ويكافئ 2.75/4
70--74 : C+ ويكافئ 2.5/4
65--69 :C ويكافئ 2.25/4
60---64 : C- ويكافئ 2/4
50--59 نجاح مشروط
0--49 رسوب ويكافئ 0/4
ويحسب المعدل على الشكل الاتي : يأخذ المعدل للمادة من 4 ويضرب بعدد ساعات المادة ثم تجمع جميع المواد ثم تقسم على عدد الساعات الكلي في هذا الفصل
ويحق للطالب أن يأخد 12--18 ساعة بالفصل الواحد وإذا كان معدله أعلى من 3 /4 يحق له أن يأخذ إلى 21 ساعة كحد أقصى

Rdoan Alawy