كلية الهندسة المعمارية العمارة - معلومات لكل مهتم بالتسجيل بهذه الكلية

[3LOM 4 ALL]

مجموعة من المعلومات الاساسية لجميع الطلبة الراغبين بالانتساب و دخول دراسة كلية الهندسة المعمارية العمارة
مقدمة عن الهندسة المعمارية وسنوات الدراسة مستقبل الكلية و موقعها والدراسة فيها و .... المزيد
نرجو من جميع الراغبين بالتعرف على هذا الفرع من جامعة دمشق
قراءة الملف جيداً .. و من ثمّ من لديه أي سؤال حول الفرع
عليه وضعه بتعليق ضمن هذا المنشور ( علوم للجميع )
المعلومات تم جميعا بكتاب الكتروني pdf

بالامكان تحميله من خلال الرابط التالي

هنـــــــــــــــــــا

[3LOM 4 ALL]

معلومات اضافية من مشاركات الاعضاء


#هندسة_العمارة
من اكتر الفروع الهندسية والجامعية متعة وتكلفة وتعب .
الجو اللي ممكن تعيشه بهالكلية #نادراً لتلاقي بغير كليات ...سواءاً من حيث #الدوام الطويل اللي ممكن يمتد من الصبح للمسا صيفا شتاءاً (بس مافي يوم جمعة) هالشي كفيل بانو يخليك تعتبر الكلية بيت تاني الك .
ومن #ناحية أخرى من جهة #الأشخاص اللي ممكن انك تتعايش معهن بالكلية واللي بيكونو معك بكل لحظة بهالمشوار ولانو غالبية المساعدة بالكلية مساعدة #طلابية هالشي بيضفي عالكلية جو ألفة ومودة بيجمع طلابها من السنافر وحتى طلاب التخرج .
لو حبينا ندخل بتفاصيل اكتر عن كليتنا لح نقول انو هي عبارة عن خمس سنوات دراسية وبعدها لح ننتقل للدراسات العليا من ماستر ودبلوم .
خلال هالخمس سنوات مندرس مجموعة من المواد منها العملي واللي بينشغل بالمراسم بوقفة لا تقل عن خمس ساعات . أو مواد نظرية متعلقة بالعمارة .ومن أهم المواد العملية مادة التصميم اللي تعتبر نبض هالفرع والأساس فيه .
الكلية بتعتمد عالشغل خلال العام الدراسي اكتر منها ضغط بشهر الفحص وهاد بحكم موادها العملية .
من #الاختصاصات اللي ممكن تدرسها بعد التخرج التصميم وتخطيط المدن والعمارة الداخلية ولاند سكيب وغيرها ...
بالنهاية وبعد إنهاء الدراسة المعماري ممكن يعمل بالقطاع العام أو الخاص وممكن يلاقي فرص عمل خارجية واذا كان محب للفرع وعندو هدف لح تتوفرلو فرص عمل عديدة...
هلأ قبل ما نختم لح أتطرق لأحد أهم الجوانب بهالكلية واللي هو الجانب الشخصي الفلسفي واللي بيعني :
انو يلي بدخل هالفرع وبيشتغل عليه لح يطلع منو وكأنو حدا تاني تماما ومن الممكن انو يتغير نمط حياتو ولما ينهي دراسة ما شرط يشتغل بعالم البناء ممكن انو يصمم ازياء اكسسوارات سيارات أو أي شي هو بحبو ويختص فيه .
بس المهم أنو يفكر صح ويفتح ذهنو للعالم ولكيف بيعيش ضمن حدود المنطق وخارجو وأنو يكون بيحب الفلسفة.
بالنهاية صح انو كليتنا بتعتمد عالرسم وبدها موهبة وابداع ..بس لازم تحطو ببالكم انو العمارة 90%علم و10%موهبة والعلم مع التدريب المستمر والوقت بيخلق الموهبة فلا تشغلو بالكم ...

[3LOM 4 ALL]

يعتبر تخصص الهندسة المعمارية أحد التخصصات القديمة في تاريخ البشرية، حيث نشأ فن العمارة منذ وجود الإنسان وتطور إلى أن وصل إلى شكله الحالي في زماننا المعاصر.

ويعد هذا التخصص أساساً للمشاريع حيث ترتكز جميع المشاريع على المهندس المعماري وتتطلب وجوده بشكل مستمر، ويتم من خلال التخصص تعلم العديد من الأشياء منها ما يرتبط بالتصميم المعماري والتخطيط والبيئة والتنفيذ وعلوم البناء والتاريخ ونظريات العمارة.

الدرجات العلمية

تتيح لك كلية الهندسة المعمارية الحصول على درجة الإجازة في الهندسة المعمارية وتكون مدة الدراسة فيها 5 سنوات دراسية بالإضافة إلى درجتي الماجستير والدكتوراه مع وجود دبلوم وماجستير التأهيل والتخصص في الكلية.
مجالات عمل الخريجين

مصمم الديكور الداخلي
مصمم جرافيك
مدير موقع
مصمم المناظر الطبيعية
مهندس إضاءة
مصمم مباني خضراء
التخطيط والتنظيم
تنفيذ المشاريع