رائحة الفم الكريهة - اسبابها

[3LOM 4 ALL]

رفيقتي بتعاني دايما من رائحة الفم الكريهة , وبتسببلها كتير إحراج ومشاكل .
ورح نحكي عن هالمشكلة اللي بعاني منها أكتر من 100مليون شخص بالعالم, ومافي شك أنه الرائحة بتسبب مشاكل اجتماعية مختلفة منها فقدان الثقة بالنفس.
- العناية بنضافة الفم بتساعدك للتخلص من البكتريا المسببة إلها، لأن اللسان بيحوي على كمية من البكتريا أكتر من أي عضو تاني بالجسم وبتساهم البكتريا الموجودة بالجزء الخلفي للسان (اللي ما بتصله فرشاية الأسنان) بإنتاج مركبات الكبريت المتطايرة يلي بتتسبب بهي الرائحة السيئة.
كمان بيحتوي اللعاب على آليات حماية خاصة ضد البكتريا والانخفاض الدائم أو المؤقت في كمية اللعاب بتسبب بتكاثر البكتريا فبتتفاقم الرائحة أكتر.
- طيب شو هو العلاج؟؟
العلاج بكون بالعناية بصحة الفم من خلال استعمال اليومي لفرشاية الأسنان والخيط الطبي .
- أما أسبابها فهي :
1. عدم تنضيف الأسنان بشكل صح ( يعني الاستخدام الخطأ للفرشاية والخيط ).
2.أمراض اللثة.
3.تناول أطعمة معينة متل التوم والبصل .
4.بقايا الطعام بالفم واللي بتفككها البكتريا الفموية .
5.التدخين وشرب الكحول .
6. بعض الأدوية اللي بتسبب ضعف تدفق اللعاب .
7.أمراض معينة متل السرطان والسكري وأمراض الكبد و الكلى .

- وهي شوية نصايح للتغلب عالرائحة المزعجة :
1.تنضيف الأسنان مرتين يومياً ولمدة دقيقتين بكل مرة على الأقل .
2.فرك اللسان جيداً.
3.استخدام خيط الأسنان .
4.استخدام معجون الأسنان الحاوي على مواد مضادة للبكتريا .
5.زيارة طبيب الأسنان بانتظام .
6.التقليل من استهلاك البصل والتوم .
7.مضغ العلكة الخالية من السكر.
8. مضغ أوراق البقدونس والنعناع اللي بتساهم بتنضيف الجهاز الهصمي, طبعا بتفيد بالحالات اللي بكون فيها مصدر الرائحة داخلي.

المُعِدّة لهذا المقال الصيدلانية علا السيد